Appreciation Letter from H.H. Drikung Kyabgon Chetsang

Appreciation Letter from H.H. Drikung Kyabgon Chetsang

༄༅། །དཔལ་རྒྱལ་བ་ཀརྨ་པ་ཨོ་རྒྱན་ཕྲིན་ལས་རྡོ་རྗེ་དང་། དཔལ་རྒྱལ་བ་ཀརྨ་པ་མཐའ་ཡས་རྡོ་རྗེ་ལྷན་རྒྱས་ནས། སྤྱི་ལོ་༢༠༢༣ ལོའི་སྤྱི་ཟླ་ ༡༢ ཚེས་ ༤ ཉིན་བསྩལ་བའི་”༧ཀུན་གཟིགས་ཞྭ་དམར་རིན་པོ་ཆེའི་ཡང་སྲིད་ངོས་འཛིན་དང་འབྲེལ་བའི་ཐུན་མོང་གསལ་བསྒྲགས་”ཞེས་པ་དོན་ཚན་གསུམ་ཅན་ཁྱབ་སྒྲགས་གནང་བ་དེ་ནི། དཔལ་ཀརྨ་པའི་བསྟན་པར་ཉི་མ་གསར་པ་ཞིག་འཆར་བ་མ་ཟད། འཛམ་གླིང་ཡོངས་ལ་གནས་པའི་ཀརྨ་པའི་ཆོས་བརྒྱུད་འཛིན་མཁན་ཙམ་དུ་མ་ཚད་བཀའ་བརྒྱུད་ཡོངས་ཀྱི་བཀྲིས་པའི་གཏམ་བཟང་ཞིག་ཀྱང་ཡིན། ཞྭ་དམར་སྐུ་ཐོག་རིམ་བྱོན་དང་། དེ་ལས་བྱུང་བའི་ཆོས་བརྒྱུད་རིན་པོ་ཆེའི་བརྒྱུད་པ་ནི་བཀའ་བརྒྱུད་སྤྱི་དང་། བྱེ་བྲག་ཀརྨ་བཀའ་བརྒྱུད་ཀྱི་གསེར་ཕྲེང་ནང་དུ་བཞུགས་ཡོད་པ་དང་། འབྲལ་ཐབས་མེད་པའི་ཆོས་ཀྱི་བརྒྱུད་པ་ནི་ཆོས་འབྱུང་ལོ་རྒྱུས་དག་གི་དཔང་པོ་བྱས་ཡོད། བོད་ཀྱི་སྲིད་དོན་ལོ་རྒྱུས་ཀྱིས་རྐྱེན་པས་ཞྭ་དམར་སྐུ་ཕྲེང་བཅུ་པ་ཆོས་གྲུབ་རྒྱ་མཚོ་སྐུ་གཤེགས་ནས་ཟུང་ལོ་ངོ་བརྒྱ་དང་བདུན་བཅུ་ཙམ་གྱི་རིང་ལ་གང་གི་ཡང་སྲིད་ངོས་འཛིན་དང་ཁྲི་གསོལ་ཞུ་ཆོག་པ་བྱུང་བ་དེ་ལྟར་ཡང་། ༧རྒྱལ་མཆོག་ཀརྨ་པ་བཅུ་དྲུག་པ་ཆེན་པོ་རྒྱ་གར་དུ་ཕེབས་ནས་༧གོང་ས་སྐྱབས་མགོན་༧རྒྱལ་དབང་ཐམས་ཅད་མཁྱེན་པ་བཅུ་བཞི་པ་ཆེན་པོར་སྙན་སེང་དང་འབྲེལ་ཞྭ་དམར་རིན་པོ་ཆེའི་ཡང་སྲིད་ངོས་འཛིན་ཞུ་འཐུས་ཆོག་པའི་བཀའ་བཟང་ཐོབ་པར། ༧ཀུན་གཟིགས་ཞྭ་དམར་རིན་པོ་ཆེ་མི་ཕམ་ཆོས་ཀྱི་བློ་གྲོས་མཆོག་ངོས་འཛིན་བཀའ་དྲིན་ཆེ་བར་བསྐྱངས་པར་མཛད། དེ་ལྟར་ཡང་སྙིགས་མའི་སེམས་ཅན་བསོད་ནམས་ཀྱིས་དམན་པས་སྐུ་ཚེ་རིང་པོ་མ་བཞུགས་ཀྱང་། བྱང་ཆུབ་སེམས་ཀྱི་རྒྱུན་ནི་ཆད་ཐབས་མེད་པར་བརྟེན། ད་ཆ་སྐུའི་ཡང་སྲིད་ཕེབས་རྒྱུར་དཔལ་ཀརྨ་པ་ལྷན་རྒྱས་བཟུང་ནས་ཐུགས་འཁུར་བཞེས་རྒྱུའི་བཀའ་རྒྱ་བསྩལ་བ་ནི་དུས་སུ་བབས་པ་ཞིག་ཡིན། བཀའ་རྒྱའི་ནང་གསལ་”ཕྱིན་ཆད་བརྒྱུད་པ་རིན་པོ་ཆེ་འདི་ཉིད་དུམ་བུ་གཉིས་སུ་མི་འཐོར་བ་དང་། ༧རྒྱལ་བ་ཡབ་སྲས་གཙོ་བོར་གྱུར་པའི་བླ་སྤྲུལ་གྱི་ཡང་སྲིད་མི་མཐུན་པའི་རྩོད་པ་ནམ་ཡང་མི་འབྱུང་བའི་སྒོ་ནས་སྒྲུབ་བརྒྱུད་ཀཾ་ཚང་བ་ཐམས་ཅད་དམ་ཚིག་འོ་ཆུ་གཅིག་ཏུ་འདྲེས་ཤིང་། མཐུན་ལམ་དཀར་འཇམ་ཡུག་གཅིག་ཏུ་འགྱུར་བ་ཞིག་ཤིན་ཏུ་གལ་ཆེ་བར་མངོན་”ཞེས་བྱུང་བ་བཞིན་ཆོས་བྱེད་པ་ཡིན་ཕྱིན་དེ་ནི་ངེས་པར་དུ་སྒྲུབ་ཐུབ་པ་ཞིག་ཡིན་ལ། དེ་དེ་བཞིན་གྲུབ་པའི་སྨོན་འདུན་གྱི་མཚམས་སྦྱར་ཏེ། ༧རྒྱལ་བ་འབྲི་གུང་པའི་མཚན་གྱིས་བྱི་གྱི་བརླབས་པ་དཀོན་མཆོག་བསྟན་འཛིན་ཀུན་བཟང་ཕྲིན་ལས་ལྷིན་གྲུབ་ཀྱིས། སྤྱི་ལོ ༢༠༢༣ ཟླ་༡༢ ཚེས་
Zim-Chung Kawang, 2023

Zim-Chung Kawang, 2023

༄༅། །སྤྱི་ལོ་ ༡༩༧༨ ནས་བཟུང་བོད་ཕྱི་ནང་བར་གསུམ་དུ་འབྲི་གུང་བཀའ་བརྒྱུད་ཀྱི་དགོན་སྡེ་རྣམས་ཉམས་པ་བསྐྱར་གསོ་བྱེད་འགོ་ཚུགས་ཤིང་། གཙོ་བོ་ཕྱིའི་ཡར་རྒྱས་ཐོག་ཤུགས་སྣོན་གང་ཐུབ་བྱས། དེ་རྣམས་ལེགས་པར་གྲུབ་རྗེས་རིམ་བཞིན་ནང་གི་ཤེས་ཡོན་ལ་ཤུགས་སྣོན་རྒྱབ་སྟེ་བཤད་སྒྲུབ་གཉིས་པོར་གཙོ་གཉེར་བྱས་ཤིང་། དེ་དང་ཕྱོགས་མཚུངས་དགོན་པའི་མཐོང་བ་བརྒྱུད་པའི་ཕྱག་ལེན་རྣམས་མི་ཉམས་གོང་འཕེལ་བརྒྱུད་འཛིན་བྱེད་རྒྱུར་འབད་རྩོལ་བྱས་དང་བྱེད་བཞིན་པར་གནས། དེང་བར་འབྲི་གུང་བཀའ་བརྒྱུད་ཀྱི་དབང་ལུང་ཁྲིད་མན་ངག་ཡོད་ཚད་ཕྱོགས་བསྒྲིགས་ཁྱོན་པོད ༡༣༥ བཞུགས་ཡོད་པ་ལས། བཀའ་རྒྱ་དམ་བསྒྲགས་ཅན་གྱི་ཆོས་སྐོར་ལ་”གཟིམ་ཆུང་བཀའ་དབང་”ཞེས་གྲགས་པ་སྔོན་དུས་སུ་གཙོ་བོ་བླ་སྤྲུལ་རྣམ་པར་གནང་སྲོལ་དེ་ལྟར་ཡང་། དེང་༸རྒྱལ་བ་འབྲི་གུང་པའི་ཆོས་བརྒྱུད་འདི་ཉིད་འཛམ་གླིང་ཕྱོགས་མཐར་ཁྱབ་ཡོད་པའི་ཐོག བཤད་སྒྲུབ་ལས་གསུམ་གྱི་བསྟན་པའི་བྱེད་པོའང་མི་ཉུང་ཞིག་ཐོན་ཡོད་པར་བརྟེན། ཐེངས་འདིར་གཟིམ་ཆུང་བཀའ་དབང་ལ་བཅར་མི་རྒྱ་བལ་གཙོ་བོར་གྱུར་པའི་འཛམ་གླིང་ས་གནས་ཁག་ནས་ཕེབས་པའི་བླ་སྤྲུལ་དང་། མཁན་པོ། མཁན་མོ། སྒྲུབ་དཔོན། སློབ་དཔོན་དང་། རྡོ་རྗེ་སློབ་དཔོན། སྒྲུབ་གྲྭ་བ་ཁག་ཅིག་དང་། དགོན་པའི་ལས་སྣེ་དབུ་ཆོས་སོགས་ཁྱོན་ཞལ་གྲངས་༢༦༢ ཙམ་ཕེབས་ཡོད་པ་རེད། Since 1978, Drikung Kagyu monasteries, both inside and
His Holiness Message on the Russian-Ukraine War

His Holiness Message on the Russian-Ukraine War

Languages: Tibetan, English, French, Vietnam, German, Italian, Spanish, Portuguese, Russian, Ukranian, Arabic , Chines, Hungary (13) Tibetan: དེང་སང་ར་ཤི་ཡས་ཡུ་ཀེ་རན་ནང་དུ་བཙན་འཛུལ་དཔུང་འཇུག་བྱེད་བཞིན་པའི་རྣམ་པ་འདིའི་ཐད་མི་མང་པོ་ཞིག་གི་སེམས་ནང་དུ་ཧང་སངས་པ་དང༌། ཁོང་ཁྲོ་དང་ཡིད་ཆད་པའི་སྣང་ཚུལ་ཞིག་བྱུང་བཞིན་ཡོད།  དེ་བཞིན་ཆོས་བྱེད་མི་སྣ་མང་པོས། ཆོས་པ་ཞིག་ལ་ཆ་བཞག་ན་ང་ཚོས་རྙོག་གཟིང་དང༌། སྙིང་ན་དགོས་པའི་གནས་ཚུལ་འདི་རིགས་ལ་ཇི་ལྟར་བྱས་ནས་ལན་འདེབས་བྱེད་དགོས་ཟེར། མིག་སྔའི་གནས་སྟངས་ནི་ཧ་ཅང་དཀའ་ཚེགས་ཅན་ཞིག་ཡིན། ང་ཚོ་ཏོག་དབྱིབས་འགོད་ནད་ཀྱི་ཡམས་ནད་མཇུག་སྒྲིལ་ལ་ཉེ་བ་མཐོང་བའི་མཚམས་སུ། སྟོབས་ཆེན་གྱི་དམག་དཔུང་ཞིག་གིས། འཛམ་གླིང་གང་ས་ནས་རྒོལ་གཏམ་གཏོང་བར་མི་འཛེམས་པར། ཁྱིམ་མཚེས་རྒྱལ་ཁབ་ཀྱི་ནང་དུ་མངོན་སུམ་འཛེམས་མེད་ཀྱིས་བཙན་འཛུལ་དཔུང་འཇུག་བྱས་པར་འཛམ་བུ་གླིང་ཡོངས་ལ་སྐྱི་གཡའ་བའི་གནས་ཚུལ་ཞིག་བྱུང་ཡོད། ངས་འཛམ་གླིང་རྒྱལ་ཁབ་ཁག་གི་དབུ་ཁྲིད་ཚོས་མཁས་མཛངས་དང༌། རྟོག་དཔྱོད་ནུས་སྟོབས་ལྡན་པའི་སྒོ་ནས། ཐེངས་འདིའི་ཉེན་ཚབ་ཀྱི་དམག་འཁྲུག་འདི་ཞི་བར་བྱེད་དེ། ཆེས་མང་བའི་ཤི་རྨས་མི་ཡོང་བ་འགོག་ཐབས་བྱེད་རྒྱུ་དང༌།